நண்பன் பிரதீபனின் தமிழ் தாய் மொழித் தமிழ் வாழ்த்துப் பாடல்

Wednesday, September 14, 2016

நண்பன் பிரதீபனின் தமிழ் தாய் மொழித் தமிழ் வாழ்த்துப் பாடல்

தம்பலகாமத்தைச் சேர்ந்த பல்துறைக் கலைஞன் திரு.பூபாலசிங்கம் பிரதீபன் எனது ஆரம்ப காலப்பாடசாலைத் தோழன். இவரது ஆற்றல், பலதுறைக் கலைத்திறண், கடின உழைப்பு, அர்ப்பணிப்புடன் ஈடுபடும் தன்மை கண்டு பலமுறை வியந்திருக்கிறேன்.

இவர் தி/புனிதசவேரியர் மகாவித்தியாலயம், தம்பலகாமம் மகாவித்தியாலயம் ,திருகோணமலை இ.கி.ச கோணேஸ்வரா இந்துக் கல்லூரி ஆகியவற்றின் பழைய மாணவன்.

இலங்கை ‘அபின நாடக அரங்கியல் கலைக்கல்லூரியின்’ சிரேஸ்ட பயில்முறைப் பயிற்றுனராகக் கடமையாற்றும் இவர் பல பரிமாணங்களில் தன் ஆற்றலைப் பதிவு செய்தவர். இலங்கையின் ஆற்றுகைக் கலைஞனாக, மேடை, தொலைக்காட்சி, திரைப்பட நடிகனாக, நெறியாளனாக, பாடகனாக, ஓவியனாக, யோகக்கலை வித்தகனாக என்று தனது ஆற்றல்களை வெளிப்படுத்தி வருபவர்.

அண்மையில் அவரது தமிழ் தாய் மொழித் தமிழ் வாழ்த்துப் பாடல் வெளிவந்து பலரதும் வரவேற்பைப் பெற்றுவருகிறது. அவர் ஒலிப்பதிவு செய்து வைத்திருந்த ஐந்து பாடல்களில் முதலாவதாக அழகிய காட்சி அமைப்புகளுடன் புல்மோட்டை மணல் மேடு, தம்பலகாமம், இறக்கக்கண்டிப் பாலம், திருகோணமலை நகரக் கடற்க்கரை ஆகிய இடங்களில் இப்பாடல் படமாக்கப்பட்டுள்ளது.

நிறைவாக வெளிவந்திருக்கும் இப்பாடல் முயற்சிபோல் அவரது அனைத்துப் படைப்புகளும் வெளிவர எமது மனம் நிறைந்த வாழ்த்துக்கள்.