சீதாஎலிய ஆலயம் - புகைப்படங்கள்

இலங்கையில் கடல் மட்டத்தில் இருந்து 1500 தொடக்கம் 8000 அடி உயரத்தில் அமைந்துள்ள மாவட்டம் நுவரெலியா. சிறிய இங்கிலாந்து என்று ஆங்கிலேயர்களால் அழைக்கப்பட்ட அழகிய நகரமான நுவரெலியாவில் இருந்து சுமார் 5km தூரத்தில் அமைந்திருக்கிறது சீதாஎலிய ஆலயம்.

இராமாயண இதிகாசத்துடன் தொடர்புகொண்டதாகக் காணப்படும் இந்த ஆலயம் சிறியதாக ,நேர்த்தியானதாக இருக்கிறது. உலகில் சீதைக்கென உள்ள தனியான ஆலயம் இதுவாகும். அசோகவனத்தில் சீதை சிறைப்பட்டிருந்தமை தொடர்பில் அமைக்கப்பட்ட ஆலயமாதலால் பெரிதாக திருவிழாக்கள் கொண்டாடப்படுவதில்லை. எனினும் இங்குள்ள உழைக்கும் மக்களால் ஆலயத்தில் தைப்பொங்கல்விழா ஒவ்வொரு வருடமும் சிறப்பிக்கப்படுகிறது என அறியமுடிகிறது.

இந்த இடத்தில் ஆலயம் அமையக்காரணமான புராணக்கதைதனை ஆலயச் சுவரிலுள்ள சித்திரங்கள் புரியவைக்கின்றன.

இவற்றோடு ஆலயத்தை ஒட்டி சலசலத்தோடும் சீதா அருவியும் , அதனருகில் இருக்கும் அனுமாரது பாதச்சுவடு உள்ளதாகக் கருதப்படும் இடமும்.

இலங்காபுரி மன்னனான இராவணனின் மாளிகைகளில் ஒன்று அமைந்திருந்ததாகக் கருதப்படும் மலைப்பிரதேசம்.

த.ஜீவராஜ்

இந்த தகவல்கள் உங்களுக்கு பயனுள்ளதாக இருந்தால் சமூக தளங்களில் பகிர்ந்து உங்கள் நண்பர்களுக்குத் தெரியப்படுத்துங்கள்....