கனவுதேசம்....

நிலவொளியில் நீயும், நானும்

சேர்ந்து நடக்கையில் - இது

கனவுதேசம் என்றலவோ

கருதத் தோன்றுது

பசுந்தறையில் அமர்ந்து நீயும்

பாட்டுப்பாடையில் - சுற்றி

மரத்தில் இருந்து

ரசிக்கிறது குயிலினங்களே

பனி விழும் பாதைதனில்

பயணம் செல்கையில் - நீ

இறுக்கிப் பிடித்த கைவழியே

என்னிதயம் உறையுதே

உரசிச்செல்லும் உந்தன்விழி

தீயை மூட்டுதே - அதிலென்

உணர்வுங் கொஞ்சம்

கள்ளமாக குளிர்காயுதே

புரியவில்லை இந்த சுகம்

புதுமையானதே - என்றும்

புரிந்து கொண்டு

வாழ்ந்துகொண்டால் சொர்க்கமானதே

த.ஜீவராஜ்

இந்த தகவல்கள் உங்களுக்கு பயனுள்ளதாக இருந்தால் சமூக தளங்களில் பகிர்ந்து உங்கள் நண்பர்களுக்குத் தெரியப்படுத்துங்கள்....