கலங்குகின்றோம் கண்பாருங்கள்.....

இனிதே களிக்கும் முதுமைக் காலம்

இழந்து தவிக்கும் எங்கள் நிலை

கடைசி வரைக்கும் புரியுதில்லை

கஷ்டப்பட்டு வளர்த்த பிள்ளை

பேரர்களைப் பிரிந்து வாழும்

வாழ்வுமது பிடிக்கவில்லை

வீட்டைப் பிரிந்து முதியோர் இல்ல

வாழ்க்கையது ருசிக்கவில்லை

திட்டக்கூட மனசு வரலை

தேடிப்போக வழியுமில்லை

பட்ட துன்பம் நினைவில் வந்து

படுத்தும் பாடு கொஞ்சமில்லை

எட்ட நின்று பார்த்தால் போதும்

ஏந்திழையாள் கெஞ்சுகின்றாள்

பேசுதலே சிறுமையென்று

பெற்ற பிள்ளை கலங்குகின்றான்

இத்தனைக்கும் செய்த பாவம்

என்னவென்று புரியவில்லை

பித்தனைப்போல் பிதற்றுகின்றேன்

பேச்சிழந்து தவிக்கின்றேன்.

இச்சகத்தில் உள்ள இன்பம் -எமக்

அத்தனையும் தேவையில்லை

கடைசி நேர வாழ்க்கைக்காக

கலங்குகின்றோம் கண்பாருங்கள்

த.ஜீவராஜ்

இந்த தகவல்கள் உங்களுக்கு பயனுள்ளதாக இருந்தால் சமூக தளங்களில் பகிர்ந்து உங்கள் நண்பர்களுக்குத் தெரியப்படுத்துங்கள்....