உதவும் வழி தெரியணும்.....

பசிக்கும் விழியோடு இந்தக்

குழந்தை பார்க்கையில் - உயிர்

கசக்கி மனம் அழுகிறதே

கொடுமை வறுமையே

வீதியோரக் குழந்தையது

வெறித்துப் பார்த்ததால் அன்று

வீடுவந்து சேர்ந்த பின்னும்

வெறுமை மனதிலே

தனித்துப்போன குழந்தையது

தாயைத்தேடையில் - உடல்

நடுநடுங்கிக் கொள்கிறதே

உண்மை தெரிந்ததால்

உதவும்படி சொல்லுவது

இலகுவானது யாரும்

கரங்கொடுக்கப் போகையில்தான்

கஷ்ரம் புரியுமே

உழைப்பின் ஒருபகுதியதை

கொடுக்க நினைக்கையில் - அது

முழுவதுமாய் அவர்களுக்கு

கிடைக்கச் செய்யணும்

இடைத்தரகர் வேலையது

இங்குமிருக்குதே - அதை

அறிந்து நாமும் கவனமாக

நடந்து கொள்ளணும்

பணம் கொடுத்தோம்

என்றுசொல்லிப் பெருமையில்லையே

பயனடைந்தோம் என்றுசொல்லப்

பார்த்துக்கொள்ளணும்...

த.ஜீவராஜ்

இந்த தகவல்கள் உங்களுக்கு பயனுள்ளதாக இருந்தால் சமூக தளங்களில் பகிர்ந்து உங்கள் நண்பர்களுக்குத் தெரியப்படுத்துங்கள்....