வலிக்கும் வார்த்தைகள்

நிறையவே நான் வருந்தியதுண்டு
சொல்லிய சில வார்த்தைகளுக்கும்
சொல்லாமல் போனதுக்குமாக


இப்போது நினைத்தாலும்
நெஞ்சின் ஏதோவோர் மூலையில் வலிக்கிறது
என் ‘நா’ கக்கிய தீக்கள்
எதிராளியை விட ஏராளம்தரம்
என்னையே பொசுக்கிப் போயிருக்கிறது

ஏவமட்டுமே முடிந்த- மீள
எடுக்கமுடியாத அம்புகளவை
எத்தனையோமுறை நெஞ்சுருகி அழுதாலும்
கழுவிடமுடியாத கறைகள்

நிதானக் கடிவாளத்தை
நித்தமும் கொண்டுதிரிவதுண்டு நான் இருந்தும்
நினைத்திரா வேளைகளில்
படம்மெடுத்தாடும் பாம்பாய் –நா
விசம்கக்கி விடுகிறது

ஆறுதல் படுத்துவதைவிடுத்து
மற்றவர் நெஞ்சை
அழித்திடும் ஆயுதமாகவே
ஆகிடுமோ என்ற அச்சம்
இப்போதொல்லாம் என்னை
அயரவே விடுவதில்லை
விழிப்புடனே இருக்கிறேன்

வலி
வாளினால் மட்டுமல்ல
வார்த்தைகளாலும் வருமென்பதால்.
த.ஜீவராஜ்

இந்த தகவல்கள் உங்களுக்கு பயனுள்ளதாக இருந்தால் சமூக தளங்களில் பகிர்ந்து உங்கள் நண்பர்களுக்குத் தெரியப்படுத்துங்கள்....